#வணக்கம்
🙏🙏🙏🙏

சிலர் கரமிணைத்தலிலும்
பலர் புன்னகைக்கும் இதழ்களிலும்
சிலர் தலையசைப்பினிலும்
ஏறி அமர்ந்து கொண்டு
மௌனமாய் உதிர்க்கப்பெருகையில்
மரியாதை நிமித்தற்குரியது
வணக்கம்..!

உதிர்த்த மாத்திரத்தில்
உலுக்கியும் கொள்கிறது
பாரிஜாத மலர்களை
உலுக்கிக்கொள்வது போல்..!

வணக்கமும் வாசத்திற்குரியதுதான்
பாசத்தை பூசிய பண்பினில்…!

விடியலில்
பூபாளம் இசைக்கும் வணக்கங்கள்
அதிகாலையை வரவேற்கும்
பட்சிகளின் இராகமாய்
செவிக்குள் பாய்ந்து
இதயத்தில் ஆலாபனைகள்…!

மதிய வணக்கம்
கொஞ்சம் மாறுபட்டது..
உச்சி வெயில்
தலையின் மீது விழுகையில்
மறந்தும் மங்கியும் விடுகிறது
மனிதனும் ஆறறிவிலிருந்

மேலும்

#தன்னம்பிக்கை கொள்

நல்ல பல நாட்களிலும்
தொல்லை வந்து வாட்டும்
கள்ளமில்லா தோர் தலையில்
துன்ப(ம்) கல்லைப் போட்டும்..!

ஓரடிநீ எடுத்து வைக்க
ஆறடிகள் சறுக்கும்
ஓயாது நடந்து பார்
வெற்றி பாதம் பிடிக்கும்..!

வாழ்க்கையொரு பரமபதம்
ஆடிப்பாரு ஆட்டம்
வழியினிலே பாம்பிருந்து
பாதாளம் கூட காட்டும்..!

ஆட்டத்திலே ஏணி யுண்டு
அதுபோதும் நமக்கு
அச்சந்தன்னை விலக்கிவிடு
வாழ்விலேது சறுக்கு

ஆறு பன்னிரெண்டிருக்கு
கேட்டுப் பகடை உருட்டு..!
அலுப்பில்லா நம்பிக்கையால்
அகண்ட இருட்டை விரட்டு..!

எத்தனையோ சோதனைகள்
வந்து போகும் வாழ்வில்
இறுக்கிப்பிடி நம்பிக்கையை
ஏறிடலாம் தேரில்..!

உலகினுக்கே

மேலும்

##ஆட்சியாளருக்கு ஓர் கடிதம்

மாண்புமிகு ஆட்சியர்க்கு வணக்கத்துடன் வாழ்த்து
நல்லாட்சி புரிந்திடணும் நாட்டுமக்களையே காத்து
நீதி நேர்மை நாட்டினிலே நிலவிட வேண்டும்
அந்த நேர்மையிலே நாடுயர்ந்து ஒளிர்ந்திட வேண்டும்..!

ஆரம்ப கல்விக் கூடம் ஆயிரந்தான் இருந்தும்
ஆகவில்லை இன்னுந்தான் ஏழைக்கு கல்வி சொந்தம்
கடைவிரித்து பேரமும்தான் தேர்வு முடிவு நாளில் - கல்வி
கைவிரிக்க கண்ணீர்தான் ஏழைகளின் கண்ணில்..!!

எத்தனையோ இலவசங்கள் தருவதெல்லாம் வீணே
கல்வி இலவசந்தான் ஏழைக்கென்று ஆகட்டுந்தான் உடனே
கல்வி விற்போர் முகவரையே கண்டறிய வேண்டும்
கைவிலங்கு பூட்டியவரை சிறைபிடிக்க வேண்டும்..!

கள்ளு

மேலும்

#மானுட தெய்வம் மாதரி

விதியின் சீற்றம் புயலைப் போன்றே
சுழன்றடித்தது கோவலன் வாழ்வில்
விரட்டியும் அடித்தது வீதி வீதியாய்
புரட்டிப்போட்டது மரணம் வரையில்..!

ஆய்ந்தறியா விற்பனை வழக்கில்
அநி யாயத்தீர்ப்பு கோவலனுக்கு
கள்வன் என்ற குற்றச்சாட்டில்
மரண தண்டனை மாய்த்தது உயிரை..!

விதியை சபித்தாள் வெறுப்பில் கண்ணகி
வெகுண்டு எழுந்தாள் பேரலைப் போன்றே
மாணிக்கப் பரலென் காற் சதங்கை
மெய்ப் பித்தப்பின்னுயிர் மீட்கவா இயலும்..?

கட்டிய கணவன் மாண்ட சேதியில்
முட்டியழுதாள் முகம்கண் சிவந்தாள்
கடுஞ்சினம் கொண்டாள் காளியுமானாள்
கோவலன் பிரிவில் மதுரையை எரித்தாள்..!

அடைக்கலம் அளித்தவள் ஆயர

மேலும்

#விலைக்குறைப்பு..
கண்துடைப்பு.!

போராட்டம் விலைகுறைக்க
நடத்தினாலும்
பொல்லாத அரசாங்கக்.. .
குள்ளநரி
நாருரிக்கக் கல்தானே
நாமறிவோம்
நாணயந்தான் காணவில்லை
நரியிடத்தில்..!

பத்து ரூபாய் விலையேற்றி
பதைக்கச்செய்து
பாவிகள் குறைத் திடுவார்
ஒன்றிரண்டு
கத்தித்தான் ஓய்ந்து விட்டோம்
காலங்காலம்
கயவர்கள் மாறவில்லை
கள்ளம்மேலும்..!

மக்களின் உழைப்பினைச்
சுரண்டிநித்தம்
மாபணந்தான் சேர்த்துவிட்டார்
கார்ப்பரேட்டும்
சிக்கலில் உழலும் மக்கள்
விடுபட்டுத்தான்
சிறப்புடனே வாழும்நாள்
வந்திடனும்..!

பாதிவிலை மீதிவரி
பகற் கொள்ளையாய்
பாவிகளின் ஆட்சிதரு
அதிகாரத்தில்
மோதித்தான் பார்த்திடலாம்

மேலும்

#சிந்து வகைப் பாடல்
#(கிளிக்கண்ணி)

கண்ணில் நிறைந்தவளே காட்சியெலாம்
நீயானாய்
மண்ணும் மறையுதடி - கிளியே
மையல் பெருகுதடி..!

காதல் பழுத்திருக்கக் காத்திருக்கேன் தாமதமேன்
நோதல் நொறுக்குதடி - கிளியே
நோய்க்கூடிக் கொல்லுதடி..!

சித்திரம் போலுன்னை சிந்தைதனில் வைத்தேன்
கத்திக் கதறுதடி - ,கிளியே
கண்முன்னே தோன்றிடடி..!

சாதியினால் கொல்லி சதியினால் கொல்லி
பாதிஉயிர் போனதடி - கிளியே
பட்டமரம் ஆவதோடி..!

செங்குருதி விழிதனிலே சேர்ந்திருந்து ஊற்றாகி
பொங்கி வழியுதடி - கிளியே
புத்தி பிசகுதடி..!

மென்தென்றல் நிலைமாறி மேனிதனைத் தீண்டிடுதே
என்னில்தீ பரவுதடி - கிளியே
எரிதழல் ஆவேனோடி..!

மேலும்

#தமிழே தவமெமக்கு….!

இந்தியைத்தான் கந்தலாக்கும்
எங்கள் தமிழ்க்கூட்டம்
மந்தியிங்கு ஆட்டமிட்டால்
நையத்தானே புடைக்கும்..!

வெந்தமொழி வேற்றுமொழி
வேட்டையாடி யழிப்போம்
நிந்தனைகள் செய்யுமென்றால்
நெற்றிப்பொட்டில் அடிப்போம்..!

சந்தனத்தின் வாசமிகு
செந்தமிழைப் படிப்போம்
இந்தித்தலை நீட்டுமென்றால்
எட்டியெட்டி உதைப்போம்..!

செங்கரும்பு சாறிருக்க
சித்தங்குளிரக் குடிப்போம்
சிங்கமொழி எங்கள்தமிழ்
எந்நாளும் கர்ஜிப்போம்..!

வடமொழியும் முடமொழியும்
தொடைநடுங்க வைப்போம்
திடத்தமிழை தேன்தமிழை
திகட்டத்திகட்டப் படைப்போம்..!

இற்றுப்போன இந்தியெதற்கு
இடுகாட்டுப் பிணமே
பற்றுடனே வணங்கிடுவோம்
ப

மேலும்

#அத்தை

தந்தையுடன் பிறந்தவளைத் தாய்தான் என்பேன்
சந்திரனாய் எங்கள்வான் சுந்தர
மென்பேன்
வள்ளியென்பார் பலருக்கும் அவளே
அத்தை
வழங்கிட்டார் கடவுளந்த அன்புச்
சொத்தை.

அல்லும்பகல் உறங்காது காத்து நிற்பாள்
ஆராரோ பாடித்தான் தூங்க வைப்பாள்
தொட்டிலிலே ஆட்டிடுவாள் சுகமாய் அத்தை
கட்டிலென ஆக்கிடுவாள் மடியும் மெத்தை

முனிக்கதைகள் கூறிடுவாள் முகமும் சுருக்கி
மூங்கில் காட்டில் கண்டதுவாய்
பயமும் பெருக்கி
விழிப்பிதுங்கக் கேட்போமே வெடவெ டத்து
கழித்திடுவோம் காலமதைக் கிறுகி றுத்து. !

வக்கணையாய் சமைப்பாளே வாசந் தூக்கும்
வஞ்சிரமும் நண்டுஇறால் வாளை ருசிக்கும்
கைகளுக்குள் பக்குவந்

மேலும்